Осы уақытша тіркеуге тұру бойынша халыққа түсіндіру жұмыстары Алматыда әлі де жалғасып жатыр. Локомотив Депосындағы жұмысшыларға уақытша тіркелу мәселесінің жөн-жосығы айтылды. Жиынға қалалық мәслихат депутаты, көші-қон полициясының басшылығы, Халыққа қызмет көрсету орталығының өкілдері қатысып, сан сұрақтарға жан-жақты жауап берді. Алматылық локомотив депосында бүгінде мыңға жуық адам жұмыс істейді. Олардың 80 пайызы басқа қалалар мен облыстардан келіп, еңбек етіп жүрген жандар. Отбасын асырау үшін шалғайдан келіп, нан тауып жүрген жұмысшыларға өздері істейтін кәсіпорынға тіркеуде тұру туралы ұйғарым жасалды.
«Уақытша тіркеу туралы халыққа жеткізіп, 80 пайыз алматының шетінде тұратындар. Олардың сұрақтары шешілді», - деді Алматы қаласының Мәслихат депутаты Болат ОСПАНОВ.
