|
20.10.2021 | 12:39
1563

Мұғалімдер мен медицина қызметкерлерінің жалақысы өседі

Бұл туралы бүгін өткен Мәжілістің жалпы отырысында Қаржы министрі Ерұлан Жамаубаев мәлімдеді

Мұғалімдер мен медицина қызметкерлерінің жалақысы өседі newsroom.kz

Қаржы министрі педагогтар мен медицина қызметкерлерінің еңбекақысын көтеруге қанша қаражат көзделгенін айтты, деп хабарлайды Almaty.tv тілшісі Baq.kz-ке сілтеме жасап. 

Бұл туралы бүгін өткен Мәжілістің жалпы отырысында Қаржы министрі Ерұлан Жамаубаев мәлімдеді. Оның айтуынша, бюджеттің әлеуметтік бағыттылығы сақталуда.

«Үш жылдық кезеңде әлеуметтік сала шығыстары 26,7 трлн теңге болады. Оның ішінде 2022 жылы ағымдағы жылдың деңгейіне қарағанда 643,2 млрд теңгеге ұлғая отырып, 8,1 трлн теңгені құрайды. Бюджеттің жалпы көлеміндегі бұл шығыстарының үлесі ендігі жылы 50,8%-ке дейін өседі»,  –  деп атап өтті Қаржы министрі.

Оның айтуынша, шығыстар көлемінің көп бөлігі азаматтарды әлеуметтік қамсыздандыру мен оларға көмек көрсетуге бағытталған.

«Денсаулық сақтау жүйесін дамытуға арналған шығыстар 2022-2024 жылдары 5,7 трлн теңгені, оның ішінде 2022 жылы 1,8 трлн теңгені құрайды. Осы қаражат шеңберінде медицина қызметкерлерінің еңбекақысын ұлғайту көзделген», – деді Ерұлан Жамаубаев.

Ведомство басшысы білім және ғылым жүйесіне қанша теңге бөлінетіндігіне де тоқталды.

«Білім және ғылым жүйесін дамытуға 3 жылға 7 трлн теңге, ал 2022 жылға 1,8 трлн теңге көзделген. Бұл биыл бөлінген қаражаттан 477,1 млрд теңгеге артық. Білім беру ұйымдары педагогтары мен медицина қызметкерлерінің еңбекақысын көтеруге 4,3 трлн теңге, оның ішінде 2022 жылға 1,1 трлн теңге көзделген», – деді министр.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Прямой эфир