|
24.06.2020 | 09:41
9531

Тоқаев Жеңіс парадына қатысу үшін Мәскеуге барды

Президент Мәскеуде Жеңістің 75 жылдығына арналған әскери парадқа, сонымен қатар «Белгісіз солдат» қабіріне гүл шоғын қоюы және Жеңістің 75 жылдығына арналған салтанатты қабылдауға қатысады

Тоқаев Жеңіс парадына қатысу үшін Мәскеуге барды Фото: facebook.com/Берік Уәли

Мемлекет басшысы Қасым-Жомарт Тоқаев Ресей Федерациясының Президенті Владимир Путиннің шақыруымен Мәскеуге жұмыс сапарымен барды, деп хабарлайды Almaty.tv.

Бұл туралы Қазақстан Президентінің баспасөз хатшысы Берік Уәли Facebook-тегі парақшасында жазды.

Оның айтуынша, кеше түнде Мемлекет басшысы Қасым-Жомарт Тоқаев Ресей Федерациясының Президенті Владимир Путиннің шақыруымен Мәскеуге жұмыс сапарымен барды.

«Ертең, яғни, 24 маусым күні Нұр-Сұлтан уақыты бойынша сағат 13:00-де Қызыл алаңда Жеңістің 75 жылдығына арналған әскери парадқа қатысады. Сонымен қатар Қасым-Жомарт Тоқаев «Белгісіз солдат» қабіріне гүл шоғын қояды және Жеңістің 75 жылдығына арналған салтанатты қабылдауға қатысады. Қазіргі ауыр эпидемиологиялық ахуалға байланысты Мәскеу сапарының алдында Президент жоспарлы түрде коронавирусқа тест тапсырды. Қасым-Жомарт Кемелұлы бұған дейін де медициналық хаттамаға сәйкес, үнемі тексеруден өтіп келеді»,   делінген жазбада.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир