|
19.02.2020 | 13:37
2775

Б. Сағынтаев коронавируске қарсы іс-қимыл туралы: барлық қызметтер жоғары деңгейде жұмыс істейді

Бүгін Halyk Arena көпсалалы кешенінде қала әкімі Бақытжан Сағынтаевтың қала тұрғындарымен өткен есептік кездесуі өтуде

Б. Сағынтаев коронавируске қарсы іс-қимыл туралы: барлық қызметтер жоғары деңгейде жұмыс істейді zakon.kz

Алмалы ауданының тұрғыны әкімге коронавирусты инфекцияның таралуын болдырмау бойынша ағымдағы жағдай туралы өтініш білдірді, деп хабарлайды Almaty.tv тілшісі қалалық әкімдіктің баспасөз қызметіне сілтеме жасап. 

«Біз бірінші күннен бастап жұмысқа кірістік. Әкімдікте жұмыс тобы құрылды, штаб әкім орынбасарының төрағалығымен құрылды. Барлық қызметтер жұмысқа тартылды», — деді әкім.

Алматыда барлық жұмыстар ДДҰ ұсыныстарына сәйкес жүргізілуде. Барлық деңгейде: ұшақ бортында, әуежай аумағында тексеру шаралары қамтамасыз етілген.

Әкім мегаполисте дәрілік заттардың жеткілікті қоры бар екенін атап өтті.

Б. Сағынтаев бетперделердің барлығы сатылып, дүрлікпенің орын алғанын айтты. Бұл ретте бетперде өндірісінің көлемін арттыру бойынша шаралар қабылданды, сондай-ақ сатып алу да жүргізілді. Бүгінде бетперделер саны қалада қажетті көлемде бар.

«Біздің кәсіпорындар 3 ауысымда жұмыс істеді. Қазір бетперделер саны жеткілікті. Соның ішінде кәсіби бетперделер де сатып алынды. Бұл тұрғыда сұрақтар жоқ. Бізге ҚХР-дан келгендердің барлығын мекен-жай бойынша, тегі бойынша тексердік. Бізге жүгінген қызуы бар адамдарды коронавирусқа тексердік. Жағдай қалыпты. Бәрі жақсы болады. Барлық қызметтер жоғары деңгейде жұмыс істейді», — деді әкім.

Айта кету керек, ЖРВИ мен тұмауды жұқтыру қаупі жоғары кезеңде, сондай-ақ бірқатар елдерде вирустық инфекциялардың таралуы бойынша жағдайды ескере отырып, мегаполис тұрғындарына адамдар көп жиналатын жерден аулақ болу және қауіпті аймақтарға шықпау ұсынылады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир