|
24.05.2019 | 09:17
3642

Димаш алғашқы альбомы қашан шығатынын хабарлады

Димаш Құдайбергеннің алғашқы альбомы биыл жазда тыңдармандарына жол тартады

Димаш алғашқы альбомы қашан шығатынын хабарлады

Әлемге әйгілі қазақ әншісі Димаш Құдайберген алғашқы альбомы қашан шығатынын хабарлады.

«Туған күнімнің құрметіне алғашқы жеке альбомым шығатын күнді жариялаймын», - деп әнші Instagram парақшасында жазды.



Айта кетсек, бүгін танымал әнші туған күнін атап өтіп жатыр – ол 25-ке толды.

Димаш Құдайбергеннің фанаттары сүйікті әншісін туған күнінде неше түрлі сыйлықпен таңғалдырып жатады. Бұдан бұрын хабарланғандай, Қытайдағы жанкүйері Димаштың портретін моншақпен салып, сыйға тартқан.

Сондай-ақ, туған күніне орай фанаттары Алматының LED экрандарындағы ролик арқылы құттықтауын жеткізді.

2017 жылы қарашада Димаш Alibaba Group компаниясының құрылтайшысы Джек Маның қолынан сый-сияпат алды. Бірақ қандай сыйлық екені белгісіз.

Қазір Димаш Нұр-Сұлтанда 29 маусымда өтетін жеке концертіне дайындалып жатыр.

Бұдан бұрын ол «Арнау» шоуының проморолигін жариялаған болатын.

Көптен күткен кеш «Астана Арена» стадионында Елорда күніне орай өтеді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир