|
09.12.2019 | 12:57
7844

Маусымның тұсаукесері: Абай атындағы опера және балет театрында "Дон Паскуале" операсы қойылады

12 және 13 желтоқсанда Абай атындағы Қазақ мемлекеттік академиялық опера және балет театрының 86 маусымы ашылады

Маусымның тұсаукесері: Абай атындағы опера және балет театрында "Дон Паскуале" операсы қойылады Bdkz.kz


12 және 13 желтоқсанда Абай атындағы Қазақ мемлекеттік академиялық опера және балет театрында көптен күткен 86 маусымның премьерасы – Гаэтано Доницеттидің «Дон Паскуале» операсы итальяндық режиссер, сценограф, костюмдер бойынша дизайнер Маттео Маццонидің қойылымында орын алады, деп хабарлайды театрдың баспасөз қызметі.


Жаңа қойылым итальяндық атмосфера мен стильді қайта өңдеудің талғампаз мәні бар күрделі сценографиялық сюжетті құрайтын көптеген арнайы эффекттер мен «уақыттан уақытқа ауысатын» қозғалыстарды қамтиды. Онда барлығы заманауи технологияны опера әлемімен үйлестіретін танымал суретші Лука Атилидің бейне проекциялармен толықтырылған.

Уақытты саяхат идеясын біз костюмдердің дизайнерлік шешімдерінде, әртүрлі дәуірдің сәніне сәйкес материалдар мен өрнектерді іздеуде жүзеге асырамыз. Мұның бәрі – «Дон Паскуале» операсын бейнелейтін керемет қойылымның әсерін жасайды, көңілді, өмір мен махаббат рапсодиясы.

Доницеттидің «үш бөлімді драма-буффа» деп өзі атаған операсының сюжетінде, көрермендер бас кейіпкерлер - қарт Дон Паскуалемен (Таир Тәжі, Ильяс Артағалиев), оның жас жиені Эрнестомен (Дамир Садвакасов, Артур Габдиев), айлакер дәрігер Малатестамен (Эмиль Сакавов, Олег Татамиров) және Норина сұлумен (Зарина Алтынбаева, Анастасия Кожухарова) кездеседі.

«Дон Паскуале» операсының премьерасы Алматыда Абай атындағы Қазақ мемлекеттік академиялық опера және балет театрының сахнасында 1955 жылдың 9 қазанында болған.

Спектакльдің режиссері А. Баранников, қоюшы-суретшісі А. Молдабеков, дирижері В. Чернов, хормейстері П. Окрушко, балетмейстері Ю. Ковалёв болған. Тұсаукесерінде бас партияларды орындаған: Дон Паскуале - А. Казакевич, Қазақ КСР-нің халық әртісі, Эрнесто - Ю. Якунин, Норина - Н. Куклина, Дәрігер Малатеста -  Н. Воронков. Опера театрда екі жыл сахналанып, қайта жаңартылмаған.

Көп жылдан кейін Гаэтано Доницеттидің ең жақсы операларының бірі Абай атындағы ҚМАОБТ сахнасына қайта оралды.

11 желтоқсан күні сағат 13:00-де Абай атындағы ҚМАОБТ БАҚ өкілдерін пресс-конференцияға және Гаэтанно Доницеттидің «Дон Паскуале» опералық қойылымының жабық баспасөз көрсетілімін алғашқылардың бірі болып тамашалауға шақырады.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир