|
14.11.2019 | 18:47
3183

Алматыда Мәскеудің Мәдени күндері өтеді

Шараның ресми бағдарламасы 15 қараша күні 28-гвардияшыл-панфиловшылар атындағы парктегі Даңқ Мемориалына гүлшоқтарын қоюдан басталады

Алматыда Мәскеудің Мәдени күндері өтеді Mosdmm.ru

Алматыда 15-16 қарашада қалалар арасындағы серіктестік және бауырмалдық қатынастардың 25 жылдығына орайластырылған Мәскеудің Мәдени күндері өтеді, деп хабарлайды Almaty.tv тілшісі.

Ең басты оқиға Мәскеу үкіметінің Экономикалық конференциясы болмақ, оның алдында Алматы қаласының әкімдігі мен Мәскеу үкіметі 2020-2023 жылдарға арналған ынтымақтастық туралы меморандумға қол қояды деп жоспарлануда. Конференцияда болашақ мегаполистерінің инфрақұрылымдық, сонымен қатар Мәскеу мен Алматының экономикалық, инвестициялық және іскерлік ынтымақтастығының мәселелері қаралатын болады.

Қазақстанның оңтүстік астанасына мәдени бағдарлама аясында үздік мәскеулік ұжымдар концерттерімен, спектакльдерімен келді, жастар құрамалары арасында бокстан турнир өтеді, қала орталығында екі мегаполистің достығына арналған арт-объект ашылады, ал Абай атындағы мемлекеттік академиялық опера және балет театрында Мәскеу мен Алматы арасындағы қарым-қатынастың тарихына арналған сурет көрмесі ұйымдастырылады.

Алматыда Мәскеудің Мәдени күндерінің ресми бағдарламасы 15 қарашада, жұма күні 28-гвардияшыл-панфиловшылар атындағы парктегі Даңқ Мемориалына гүлшоқтарын қоюдан басталады.

Мәскеулік делегацияны Мәскеу үкіметінің министрі, сыртқы экономикалық және халықаралық байланыстар департаментінің басшысы Сергей Черемин бастап келді. Делегацияны Алматы әуежайында қала әкімінің орынбасары Ержан Бабақұмаров қарсы алды.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир