|
18.11.2019 | 21:09
1720

Алматыда Орта Азия елдерінің фильмдері көрсетілуде

Шарада шамамен 15 шақты деректі фильм көрсетіледі

Алматыда Орта Азия елдерінің фильмдері көрсетілуде

Қырғызстан, Өзбекстан, Тәжікстан және Монғолия ердерінің 50-ге тарта фильмін 3 күн бойына көрсету жоспарланып отыр. Шара аясында сондай-ақ,  мәдени мұрамызды сақтап, оны қорғау мақсатында арнайы фотокөрме ұйымдастырылды, деп хабарлайды Almaty.tv тілшісі.

«Алатау» дәстүрлі өнер театрының кинозалында қазір Орталық Азия Және Монғолия елдерінің рухани мәдени мұрасы туралы деректі фильмдер көрсетілуде. Ең бірінші болып көрермендер «Қазақ домбырасын жасау өнері» фильмін тамашалады. Шамамен 15 деректі фильм көрсетіледі деп болжанса, ондағы бәріне ортақ нәрсе – рухани мәдени мұраны сақтау және қорғау.

«Шарамыздың мәні, мақсаты - ғасырлардан қалыптасқан дәстүрімізді насихаттау, болашаққа аманат ретінде жеткізу деп білеміз. Бүгінгі залда, сондай-ақ, Қазақ ұлтитық өнер академиясының залында жастармен кездесу болады», - деді Алматы қаласы әкімі орынбасарының кеңесшісі Данияр ӘЛИЕВ.

Іс-шараға Орталық Азия елдерінің осы саладағы сарапшылары, рухани мәдени мұраны қорғау жөніндегі Ұлттық комитеттің мүшелері, ғалымдар, кинематографистер және мемлекеттік органдардың өкілдері қатысты.

«Қазақстанның ұлттық элементтерін бүкіл әлемге көрсету және өзіміздің елімізде оны дамытып, сақтау үшін. Өйткені, бүгінгі технология заманында дәстүрімізді жоғалтпай, жасөспірімдер білсін деген мақсатпен жасалған нәрсе ғой», - деді рухани мәдени мұраны қорғау жөніндегі ұлттық комитетінің төрайымы Ханзада ЕСЕНОВА.

Ортақ істің нәтижесінде Орталық Азия және Монғолия елдерінің рухани мәдени мұрасы туралы 50 фильм түсірілді. Оны алдағы уақытта кеңінен насихаттау бойынша жұмыстар жалғастырылмақ.  

Сая Меңдеке, Рашид Шүкірәлиев, Алматы телеарнасы.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

MAQALADA

фильм
Новости партнеров
След. →
Прямой эфир