|
11.01.2017 | 11:02
1257

Еуропаны қытымыр қыс әлі де қысып тұр

Ал Еуропаны қытымыр қыс әлі де қысып тұр. Сербияда бір жарым мың мигрант қараусыз қалған орындарда жан бағуға мәжбүр. Белградта ауа температурасы минус 20 градусқа дейін төмендеп кеткен. Жергілікті билік өкілдерінен көмек болмаған соң, олар қоқыс жағып, жылынуға мәжбүр.


Ал мына шатырлар Сербия мен Венгрияның түйіскен тұсына тігілген. Шеттен келгендер Мажарстанды пана етуге ұзын-сонар кезекке тұрған. Алайда, шекарашылар күніне тек 10 адамнан ғана өткізуде. Шатырларда жан баққандардың арасында балалар да бар. Оларға жылы киім мен азық-түлік жетіспей жатыр.              


«Қара суық бірнеше күн қайтпай, әлі де сақталып тұр. Мұндай аяз бұл елде бұрын-соңды тіпті болмағандай. Салдарынан тұмауратып жатқан адам көп. Оларға дәрі-дәрмек жетіспеуде. Қауіпті аурулардың ушығып кетуінен қорқамыз»,- деді Ерікті, Милана РАДОСАВЛЬЕВИЧ.


Қазіргі санақ бойынша, Сербияда 7 мыңға жетеғабыл мигрант бар. Олардың дені елдің орталықтарына ойыса алмай, шет аймақтарда қалып қойған. Ел билігі тек әйелдер мен балаларды жылы жерлерге көшіріп жатыр. Ал, қалғандары сарышұнақ аязбен күресуге мәжбүр.              




Подписывайтесь на наш Telegram
Узнавайте обо всем первыми. Если есть, что сообщить, пишите нам в WhatsApp
Новости партнеров

Лента новостей

След. →
Прямой эфир