«Астана экономикалық форумы 2018-ге барамын». Осындай тақырыппен ұйымдастырылған байқаудың жеңімпаздары марапатталды. Талап бойынша, әлеуметтік желілерде экономикалық форумның ресми хэштегтерімен жиынға неліктен барғысы келетіні туралы жазбалар мен бейнероликтер жариялау керек болатын. Байқау төртінші және он бесінші мамыр аралығында өтті. Жеңімпаздар Астана экономикалық форумына тегін қатыса алады, ал ақтық сынға шыққандар танымал сарапшылардың бірімен естелік фотосуретке түсу мүмкіндігіне ие болады.
