|
02.12.2020 | 15:49

Қарағанды облысында карантин талаптарын қандай нысандар жиі бұзады

Тексерістер нәтижесінде 309 бұзушылық анықталып, 158 айыппұл салынды

Қарағанды облысында карантин талаптарын қандай нысандар жиі бұзады  inform.kz

Қарағанды облысында санитарлық режимнің сақталуын 168 мобильді топ қадағалайды. Қараша айында олар 10 464 нысанды аралады. Тексерістер нәтижесінде 309 бұзушылық анықталып, 158 айыппұл салынды, деп хабарлайды Almaty.tv тілшісі ҚазАқпаратқа сілтеме жасап.

«Карантин талаптарын бұзудың 50% астамы дүкендерде, сауда орталықтарында және базарларда анықталды. Түнгі клубтарда, дәмханаларда, мейрамханаларда, компьютерлік клубтарда, букмекерлік кеңселерде – 15%. Негізгі бұзушылық – келушілерге қызмет көрсететін персоналда жеке қорғаныс құралдарының болмауы. Сондай-ақ, облыстың бас мемлекеттік санитарлық дәрігерінің қаулысымен белгіленген жұмыс уақытының шектеулерін сақтамау фактілері анықталды», – деп хабарлады Жедел әрекет ету орталығынан. 

Мобильді топтар БАҚ-тың қатысуымен кешкі тексерістер өткізеді. Қараша айының соңында үш рейд барысында 60 нысан – ірі сауда үйлері, түнгі клубтар мен мейрамханалар тексерілді. Жеті бұзушылық анықталды. 

Екі тамақтану орнында термометрия жүргізілмеген, қызметкерлер қолғапсыз жұмыс істегені белгілі болды. Лаундж-барлардың бірінде кальян қолданылғаны анықталды. Тыйым салынғанына қарамастан, кафелер мен мейрамханалар дискотекалар ұйымдастыруын жалғастыруда. Сондай-ақ, мобильді топтар түнгі 00.00-ден кейін заңсыз жұмыс істеген екі мекемені анықтады. 

Сондай-ақ Қарағандыда «Күнгей» шағынауданында орналасқан коттедждердің бірінде үйлену тойы өткізілген. Тойға 60-қа жуық адам қатысқан. Жаппай іс-шараға үй-жай берген коттедж иесі әкімшілік жауапкершілікке тартылады.

Bólisý


Janalyqtar tizbegi

Oqı otyryńyz

147
20.01.2021
157
20.01.2021
160
20.01.2021
186
20.01.2021
Жаңалықтарды қалт жібермеңіз!