Филология ғылымдарының докторы, профессор, ҚР Ұлттық ғылым академиясының академигі Рабиға Сыздықованы «Сәуле-Ғұмыр» бағдарламасында туған-туыстары мен ғылымдағы шәкірттері, әріптестері еске алды, деп хабарлайды Almaty.tv.
Елімізге белгілі ғалымдар – филология ғылымдарының докторы, профессор Әлімхан Жүнісбек, Гүлдархан Смағұлова, Ерден Қажыбек, Жамал Манкеева, Қалбике Есенова, ҚР Еңбек сіңірген қайраткері, дәстүрлі әнші Татьяна Бурмистрова ғалым жайлы естелігін бөлісті.
«Сәуле-Ғұмыр» бағдарламасы – ұлтқа еңбегі сіңген тұлғаларға арналған хабар. Әдебиет, өнер, спорт, медицина, қоғам қайраткерлері. Олардың барлығы да өз саласы бойынша еңбек етіп, артына өшпес із қалдырып кетті. Бағдарламаның кейіпкерлері – осындай жандар. Әр хабар белгілі бір кейіпкерге арналып, студияға қонақтар шақырылады, естеліктер айтылады. Бағдарлама әр сенбі сағат 23:00-де эфирге шығады.
