|
12.11.2021 | 20:06
762

Қасым-Жомарт Тоқаев түрік халқына алғыс айтты

ҚР Президенті Ыстанбұлда өтіп жатқан Түркітілдес мемлекеттердің ынтымақтастық кеңесінің VIII саммитінде сөз сөйледі

Facebook / Берік Уәли

Қазақстан Президенті Қасым-Жомарт Тоқаевтың Ыстанбұлда өтіп жатқан Түркітілдес мемлекеттердің ынтымақтастық кеңесінің VIII саммитінде сөйлеген сөзінде қазақ халқы үшін аса маңызды мәселеге тоқталып, қиын-қыстау замандарда қазаққа құшағын жайған түрік халқына алғыс айтып, осы елдің мемлекет қайраткері Аднан Мендерестің рухына тағзым етті, деп хабарлайды Almaty.tv тілшісі.      

Бұл туралы ҚР Президентінің баспасөз хатшысы Берік Уәли Facebook-парақшасында жариялады.

«Мен бүгін тағы бір өте маңызды тарихи оқиға туралы атап өткім келеді. Бұл өткен ғасырдың ортасында тағдыр тәлкегімен тау асып, тас басып, арып-ашып Анадолы жеріне келген мыңдаған қазақ отбасын өз бауырым деп құшақ жайып қарсы алған Аднан Мендерес жөнінде болып отыр. Ол өткен ғасырдың елуінші-алпысыншы жылдары, он жыл бойы Түркия Республикасының Премьер-министрі болған көрнекті мемлекет және қоғам қайраткері. Қазақтардың осында орнығуына, кәсіп істеп, тамыр жаюына көп жағдай жасаған бірден-бір тұлға болғаны ақиқат. Осы маңызды жиын өтіп жатқан Демократия және бостандық аралының да Аднан Мендерестің тағдырына тікелей қатысы бар. Мен Қазақстан Республикасының Президенті ретінде қазақ халқының атынан Аднан Мендерестің рухына тағзым етіп, құшағы кең барша түрік халқына шынайы алғысымды айтамын», – деді Қазақстан Президенті.

Подписывайтесь на наш Telegram, там самая оперативная информация. Если есть, что сообщить, пишите нам в WhatsApp
Новости партнеров

Лента новостей

Прямой эфир