|
22.01.2022 | 16:00
490

Алматыға «Спутник Лайт» вакцинасының 12 мың дозасы жеткізілді

Вакцина 24 қаңтардан бастап қаланың барлық емханасында халыққа қолжетімді болады

ҚазАқпарат

Алматыға «Спутник Лайт» вакцинасының 12 000 дозасы жеткізілді. Бұл туралы қалалық қоғамдық денсаулық басқармасы мәлім етті, деп хабарлайды Almaty.tv тілшісі Sputnik Қазақстанға сілтеме жасап.

Басқарма мәліметінше, «Спутник Лайт» вакцинасы ревакцинацияға, яғни, толық иммундау мерзімі аяқталғаннан кейін қайта вакциналауға арналған. Вакцина 24 қаңтардан бастап қаланың барлық емханасында халыққа қолжетімді болады. 

Айта кетейік, ревакцинация вакцинаның толық курсынан кейін 6 айдан ерте жүргізілмейді. «Спутник Лайт» – векторлы вакцина, оның құрамы Спутниктың бірінші компонентіне ұқсас. 

«Алматыда ревакцинацияға арналған мынадай вакциналар бар: QazVac, VeroCell және «Спутник Лайт». Pfizer препаратымен тиісті контингент, сондай-ақ, 60 жастан асқандар мен медицина қызметкерлері ревакцинация жасай алады»,  деп хабарлады Алматы қалалық қоғамдық денсаулық басқармасының баспасөз қызметі.

Подписывайтесь на наш Telegram, там самая оперативная информация. Если есть, что сообщить, пишите нам в WhatsApp
Новости партнеров

Прямой эфир