Ұстаздар арасында жарыс басталды. Қазақстанның ең алғашқы жоғарғы оқу орнында өтіп жатқан спартакиадаға 300-ге жуық ұстаз бен оқу орнының қызметкерлері қатысып жатыр. Бұған дейін білім жолында бағын сынап келгендер спорттың 7 түрінен сайысқа түскен. Дүбірлі додаға түскен профессорлардың бәсекесі 3 күнге жалғасады. Қысқы спартакиада педагогикалық университеттің 90 жылдығына орай ұйымдастырылып отыр.
¤«Елбасы Қазақстан халқына спортпен айналысу туралы айтқан. Ойларында, тапсырмаларында. 2020-шы жылға дейін біздің халқымыздың 30 пайызына дейін спортпен айналысу керек деп отыр. Ал біздің жоғарғы оқу орны болғандықтан біз өзіміздің профессор қызметкерлеріміз спортпен айналысатын үлесі одан да жоғары болу керек. Ал, студенттеріміздің барлығы дерлігі спортпен айналусы керек деп ойлаймыз», - деді Абай атындағы Қазақ Ұлттық педагогикалық университетінің ректоры Тахир БАЛЫҚБАЕВ.
