Ұлттың мәдениет саласындағы даму жолы. Парламент Мәжілісінің депутаты Қазыбек Иса еліміздің зиялы қауымымен кездесіп, маңызды түйткілдерді талқылады, деп хабарлайды Almaty.tv.
Жиында қазақ тілінің жаһандану саясатында өз салмағын жоғалтпауы мәдениет саласының жауапкершілігі екені айтылды. Кездесуге қатысқан қайраткерлер депутатқа көкейкесті сұрақтарын қойып, өз ұсыныстарын ортаға салды.
«Бізде қазір 22 мың ұйым бар. Соның барлығы бірдей. Сондықтан да бұларға өз алдына жеке «Мемлекеттің стратегиялық серіктестігі» деген статус ұсынуымыз керек. Әйтпесе, осы көрген күндері көрген. Мысалы, Қазақстан Республикасының Президенті Қасым-Жомарт Тоқаев мәдениетті қолдап келе жатыр. Шығармашылық одақтарды қолдау қорын құру туралы тапсырма беріп, ол құрылды», – деді ҚР Парламенті Мәжілісінің депутаты Қазыбек Иса.
