|
26.02.2021 | 13:57
1725

4 пайыздық автонесие бағдарламасы: биыл 20 млрд теңге бөлінеді

Автонесиелеу бағдарламасын жүзеге асыруға 2015 жылдан бастап келесі екінші деңгейлі 7 банк қатысады

kursiv.kz

Қазақстан Даму банкі автонесиелендіру бағдарламасы шеңберінде биыл 20 млрд теңгеге дейінгі сомада қаражат бөлу жоспарланып отырғанын мәлім етті, деп хабарлайды Almaty.tv тілшісі ҚазАқпаратқа сілтеме жасап.

«Автонесиелендіру бағдарламасына сәйкес биыл 20 млрд теңгеге дейінгі сомада қаражат бөлу күтілуде. Қаражатты бөлу күні анықталмаған»,  деп жауап берді банктен ҚазАқпараттың ресми сауалына. 

Автонесиелеу бағдарламасын жүзеге асыруға 2015 жылдан бастап келесі екінші деңгейлі 7 банк қатысады.

Олар:

- «Қазақстан Халық Банкі» АҚ;

- «Сбербанк» АҚ ЕБ;

- «Банк ВТБ» АҚ ЕҰ;

- «Еуразиялық Банк» АҚ;

- «АТФ Банк» АҚ;

- «Банк Центр Кредит» АҚ;

- «Форте Банк» АҚ.

Банк келтірген мәліметке сәйкес, автонесиелеу бағдарламасы аясында 2021 жылдың 1 ақпанына 26 958 автокөлік сатылған. Жеңілдетілген автонесиелеу бағдарламасы бойынша автокөлік сатып алуға қойылатын негізгі талаптар: 

- автокөлік Қазақстанда шығарылуы тиіс;

 - автомобильдің құны - 15 млн. теңгеден аспайды; 

- қарыз мерзімі - 84 айдан аспауы тиіс; 

- номиналды пайыздық мөлшерлеме -жылдық 4% ; 

- тиімді сыйақы мөлшерлемесі жылдық 7,5% - дан аспауы тиіс.


Подписывайтесь на наш Telegram
Узнавайте обо всем первыми. Если есть, что сообщить, пишите нам в WhatsApp
Новости партнеров

Лента новостей

След. →
Прямой эфир