Алматыда аялдама кешендерін, бағдаршамдар мен жол белгілерін жуу үшін 5 мыңнан астам арнайы техника жұмылдырылды, деп хабарлайды Аlmaty.tv.
«Алматы Жазы» акциясы жалпы республикалық «Таза Қазақстан» акциясы аясында өткізіліп, 2024 жылдың 6 шілдесіне дейін жалғасады.
Тазалық пен тәртіпті сақтау мақсатында қала көшелерінде 624 аялдама кешені, 90 бағдаршам нысаны және 2 181 жол белгісі бағаны жуылды.
5000-нан астам арнайы техника жүріс бөліктері мен тротуарларды, сондай-ақ аула учаскелерін сыпыруға жұмылдырылған. Бүгінгі таңда 41 мың шаршы метрден астам жолдар мен тротуарлардың жүріс бөлігі, 200 км нөсер кәрізі тазартылды, қаланың 272 көшесінде шөп шабылды. Сондай-ақ 3 760 аула учаске сыпырылды, қоқыстан тазартылды.
Аялдама кешендері мен аула аумақтарын тазалаумен қатар, орындықтар мен көше урналары сияқты қалалық инфрақұрылымның ажырамас элементтерін жөндеу және сырлау жұмыстары жүргізілуде. Мердігерлік ұйымдар 7 049 орындық пен 11 351 көше урнасын жуды.
«Алматы Жазы» акциясы барысында ағымдағы жылдың 26 маусымы мен 6 шілдесі аралығында қалада 798 аялдама кешенін, 122 бағдаршам нысанын, 3 181 жол белгілерін шаңнан және ластанудан тазарту (жуу) жұмыстары жүргізілетін болады.
Оқи отырыңыз: Екі жеке субұрқақтың иесі оларды қала меншігіне беруге дайын
