Күн жылына басталысымен еріген қар және нөсер судың еш кедергісіз ағып кетуі үшін аудан әкімдіктерінің мердігер кәсіпорындары арық желілерін тазарту жұмысын бастады, деп хабарлайды Almaty.tv.
6 ақпандағы жағдай бойынша жоспарланған 1329 шақырымның 626 шақырымы қардан, мұздан, лай мен қоқыстан тазартылды. Күн сайын 82 бірлік техника және 299 жұмысшы жұмылдырылуда. Жұмыстар 25-28 ақпанда аяқталады. Еске салсақ, қала аумағында барлығы 1525 шақырым арық желілері бар.
Бұрыннан белгілі, Алматы қаласы бойынша су басудың негізгі факторы арық желісі жаңбыр мен еріген су ағынына қарсы тұра алмайды, ал коллекторлық-дренаж жүйесі мүлдем жоқ. Сондай-ақ нөсер желілері де жоқ, коллекторлар мен арықтар қоқыстармен бітеліп қалған, кәрізге қосылмаған.
Су тасқынын жою мақсатында қала әкімінің тапсырмасы бойынша экология және қоршаған орта басқармасы Алматыда жауын-шашын кезінде үнемі су басып қалатын учаскелерге талдау жүргізді. Нәтижесінде барлығы 102 аймақ анықталды, оның ішінде 56 учаскені су басып қалуы мүмкін. Сондықтан апатты қалпына келтіру жұмыстарын дереу жүргізу қажет.
56 учаскедегі су тасқынын жою мәселелерін шешу үшін 12 коллектор мен 4 арна (реконструкциялау және салу) қалпына келтірілуі тиіс. Қала бойынша 2022 жылы апатты қалпына келтіру жұмыстары аясында 72 учаскеде жұмыстар басталды. Оның ішінде бүгінде 63 учаскедегі жұмыстар аяқталды (89%). Осы жұмыстар аясында ұзындығы 18,7 км 12 су бұру коллекторы қалпына келтірілді, жалпы ұзындығы 11,2 км 8 канал салынды және 2 канал қалпына келтірілді, 7 км арық желілері қайта жаңартылды және салынды, 15 құбырлы өткел реконструкцияланды, 1,4 км өзен арналарының жағалауы күшнйтілді. Жалпы жұмыстардың 89%-ы орындалды.
Айта кетерлігі, 2022 жылдың күзгі кезеңінде жүргізілген жұмыстардың қорытындысы бойынша аталған учаскелерде су тасқыны тіркелмеген.
