Шығыс Қазақстанда жер сілкінісі болды

Шығыс Қазақстанда жер сілкінісі болды. Бұл туралы ustinka.kz Қазақстанның Геофизикалық зерттеулер институтының сейсмикалық ақпараттарын жинау және өңдеу орталығына сілтеме жасап хабарлады.

«Шығыс Қазақстан облысында сейсенбі күні Астана уақыты бойынша сағат 6.41-де 3,9 балдық жер сілкінісі болды. Орталықтың хабарлауынша, жер сілкінісінің ошағы Аягөз қаласынан оңтүстікке қарай 72 км жерде орналасқан. Эпиорталық координаттары: 47,34 градус солтүстік ендік, 80,64 градус шығыс бойлық. Жер сілкінісінің энергетикалық класы - 8,8», - деп мәлімдеді сейсмологтар.