«Ислам мемлекеті» тобына кірген қазақстандықтар азаматтықтарынан айырылады

«Ислам мемлекеті» тобына кірген қазақстандықтар енді азаматтықтарынан айырылады. Елбасы Нұрсұлтан Назарбаев Ресейлік телеарнаға берген сұхбатында мұның заң жүзінде бекітілген мәжбүрлі шара екендігін атап өтті. «Ислам мемлекеті» тобына қазір 600-ге жуық отандастарымыз кеткен. Бұл - елімізде тыйым салынған лаңкестік топ.

«Біз «Ислам мемлекетінен» қайтып келгендермен алдын алу жұмыстарын жүргіземіз. Бұл нәтиже берер емес. Сондықтан олардың үйлеріне кері оралу жолы жабылатын шешім қабылданды», - деді мемлекет басшысы.