Трамвай қағып кеткен 8 жасар қыз ауруханадан шықты

Трамвай қағып кеткен 8 жасар қыз бала ауруханадан шықты. Павлодар облыстық балалар ауруханасының ақпараты бойынша зардап шеккен қыз бала ауыр жарақат алса да қазіргі жағдайы бір қалыпты. Марал Масғұт енді бір ай бойы үйінде ем қабылдайды. Павлодар қалалық Білім басқармасы таратқан ақпаратқа сай зардап шеккен оқушының отбасына Екібастұз қаласынан 3 бөлмелі пәтер берілген көрінеді.

Еске сала кетйік, 7 қыркүйек күні Павлодарда жантүршігерлік жол апаты орын алған болатын. Апалы-сіңілі оқушылар трамвайдың астында қалып, 10 жасар қыз бала оқиға орнында тіл тартпай кеткен еді.