Еліміздің аймақтарында тәуелсіз Бала құқықтары жөніндегі уәкіл лауазымы енгізілмек

Өңір әкімдіктері жанынан тәуелсіз Бала құқықтары жөніндегі уәкіл лауазымы тез арада енгізілуі керек. Үкімет басшысы Білім министрлігі мен әкімдіктер алдына осындай міндет қойды, деп Almaty.tv хабарлайды

Сонымен қатар Әлихан Смайылов балалардың жазғы демалысын тиімді ұйымдастыруды жүктеді.

«Облыс әкімдіктеріне әлеуметтік жағынан аз қамтылған санаттағы балаларды сауықтыру шаралары,  жазғы демалыста және бос уақыттарын пайдалы өткізумен барынша қамтуды тапсырамын. Барлық ауылдық елді-мекендерде спорт алаңдарын, аулаларды дамыту орталықтарын жабдықтап, ойын-сауық, мәдени іс-шаралар ұйымдастыру қажет», – деді ҚР Премьер-Министрі Әлихан Смайылов.