Медеу ауданында 45 мыңнан астам бизнес нысаны жұмыс істейді

2024 жылы Медеу ауданының бюджеті 12,8 млрд теңгеден 37,4 млрд теңгеге немесе 34,2%-ға ұлғайтылды. Бұл туралы қала әкімі Ерболат Досаев аудан тұрғындарымен кездесуде мәлімдеді, деп хабарлайды Almaty.tv.

Мегаполис басшысы қаражат аудан тұрғындарының әлеуметтік және инфрақұрылымдық мәселелерін шешуге жұмсалатынын атап өтті.

"Медеу ауданы — мегаполистегі ең үлкен аумақ, ол Алматының қаржы әрі бизнес орталығы. Аудан аумағында 45 мыңнан астам бизнес субъектілері белсенді жұмыс істейді. Олар осы жылдың 7 айының қорытындысы бойынша бюджетке 250 млрд теңгеден астам қаржы құйды. Биыл қаңтар-шілде аралығында ауданда құрылыс жұмысының көлемі 13,3%-ға ұлғайды, негізгі капиталға салынған инвестициялар 12,5%-ға өсіп, 133 млрд теңгеге жетті. Экономиканың қарқынды дамуы 4 387 жаңа жұмыс орнын құруға мүмкіндік берді", - деді қала басшысы.