|
20.05.2024 | 12:35
1673

Бір түнде 12 мың адам Алматы музейлеріне барды

Мұражай залдарында театрландырылған қойылымдар ұсынылды

Бір түнде 12 мың адам Алматы музейлеріне барды қала әкімдігінің баспасөз қызметі

Алматыда Халықаралық музейлер күніне орайластырылған «Музейлер түні – 2024» акциясы өтті, деп хабарлайды Almaty.tv.

Көрме залдарында алғаш рет Шәмші Қалдаяқовтың мандолинасы, Бауыржан Момышұлының жазу машинкасы мен домбырасы, бақсы Сармұқан Бабасұлының қылқобызы, Сәбит Мұқанов пен Ғабит Мүсіреповтің аңшылық мылтықтары, Нұрғиса Тілендиевтің жеке камерасы және т.б. бірегей экспонаттар қойылды.

Дінмұхамед Қонаевтың зейнеткерлікке шыққанға дейін мемлекет қайраткері туралы барлық ақпаратты қамтитын 75 парақтағы жеке ісі көпшіліктің қызығушылығын тудырды. «Өте құпия» белгісі бар құжаттар мұражайға сыйға тартылды және алғаш рет жұртшылықтың назарына ұсынылды.

«Бір түнде ғана біздің мұражайларға 12 мыңнан астам адам келді. Әр мұражайда қызықты бай бағдарлама дайындалды, мұражайлар келушілерді таңқалдыруға тырысты және менің ойымша, біз мұны істей алдық. Көбісі балаларымен, немерелерімен келді, сонымен қатар көптеген шетелдік туристер болды. Жалпы, қала әкімі мұражай ісін дамытуға көп көңіл бөледі. Біздің мамандар әлемнің үздік мұражайларында тағылымдамадан өтуде. Сала қызметкерлерінің жалақысы 30% - ға көтерілді. Сонымен қатар, биылғы жылдан бастап барлық оқушылар үшін біздің музейлерге кіру тегін болды», - деді Алматы қаласы мәдениет басқармасының басшысы Ғани Майлыбаев.

Айта кетрлігі, мұражай залдарында театрландырылған қойылымдар ұсынылды. Тарихи тұлғалар бейнесіндегі актерлер мұражайларға келушілерді таң қалдырды. Мысалы, Орынбордағы Ахмет Байтұрсынұлының өмір кезеңінен көрініс: Ұлт мұғалімі балаларының оқудағы жетістіктерін тексеріп, отбасымен уақыт өткізді. Аумат пен Шолпан өлең оқып, көрермендердің алғысына бөленді.

Сондай-ақ мұражайларда Поль Гурдэ, Роза Бағланова, Бауыржан Момышұлы, Біржан сал, Мұхаметжан Тынышбаев, Сәбит Мұқанов және Ғабит Мүсірепов сияқты тарихи тұлғалардың «қатысуымен» театрландырылған экскурсиялар ұйымдастырылды. Құрманғазы өз күйлерін орындады, Дина Нұрпейісова ән шырқады, әртістер Шәмші Қалдаяқовтың және т. б. шығармаларын орындады.

Мемориалдық мұражайларда өткен кездесулерде тарихшылардың ұрпақтары өздерінің атақты ата-бабаларының өмірі мен қызметі туралы қызықты әңгімелер айтты.

Сондай-ақ қала мұражайларында зияткерлік ойындар, квест, викториналар, қыш және зергерлік шеберлік сабақтары өткізіліп, кішкентай көрермендерге бет бояуы жасалды. Арнайы фотоаймақтарда отбасыларымен бірге келушілер естелік фотосуреттер түсіріп, фотостендтің көмегімен 8 мыңнан астам фотосурет басып шығарды.

Оқи отырыңыз: Алматы қаласы бойынша 20-26 мамыр аралығындағы ауа райы болжамы

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир