|
14.08.2021 | 14:41
5528

Той болмайды: «Керемет» мейрамханасынан видео жарияланды

Қала тұрғыны «жасырын той» жайлы ақпаратты «Алматы» телеарнасындағы «Akimat LIVE» бағдарламасының тікелей эфирінде айтты

Алматыда мониторингтік топ «Керемет» мейрамханасын бақылауға алды, деп хабарлайды  Almaty.tv тілшісі.

Айта кетейік, 11 тамыз күні «Akimat LIVE» бағдарламасының тікелей эфирінде Алматы тұрғыны қала әкімі Бақытжан Сағынтаевқа өзі тұратын ауданда алда өтетін жасырын той жайлы ескертіп, шара қолдануды сұраған болатын.

Бақытжан Сағынтаев оқиғаның мән-жайын тексеруге уәде беріп, қаланың мониториг топтарына ақпаратты анықтауды тапсырды.

Эпидемиологтар қала тұрғындарынан адамдар көп жиналатын жерлерге барудан бас тартуды сұрайды. Өйткені бұл коронавирус инфекцияның өршуіне әкеп соғады.

Естеріңізге сала кетейік, Алматы қаласы эпидемиологиялық жағдай матрицасы бойынша әлі де «қызыл аймақта».

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Прямой эфир