|
19.04.2024 | 15:44
1404

Алматының Түрксіб ауданында «бірыңғай терезе» қағидаты бойынша жұмыс істейтін әлеуметтік орталық ашылды

Аудан тұрғындарына бір жерден қызмет көрсетіледі

Алматының Түрксіб ауданында «бірыңғай терезе» қағидаты бойынша жұмыс істейтін әлеуметтік орталық ашылды Алматы әкімдігі / пресс-служба акима Алматы

Қала басшысы Ерболат Досаев Түрксіб ауданын аралап, тұрғындармен кездесу барысында әлеуметтік орталықтың жұмысымен танысты, деп хабарлайды Аlmaty.tv.

Мұнда аудандық Ардагерлер кеңесі, мүгедектер қоғамы, Алматы қаласының Орталықтандырылған кітапхана жүйесінің филиалы мен күн сайын 50 адамға дейін қамтитын аз қамтылған отбасылардан шыққан балаларға қосымша білім беретін "Шыңға Өрлеу" әлеуметтік клубы орналасқан. Сондай-ақ ғимаратта ауданның отбасын қолдау орталығы ашылады.

Бұған дейін бұл ұйымдар ауданның түрлі бөлігінде, әр түрлі санаттағы адамдар үшін бейімделмеген бөлмелерде болған.

Орталық 2017 жылдан бері бос тұрған ғимаратта орналасқан. Күрделі жөндеу жұмыстары кезінде іргетас пен қабырғалары нығайтылып, инженерлік желі жүйесі жүргізілді. Сонымен қатар аумақты абаттандыру жұмысы жүргізілді.

Жаңа форматтағы Әлеуметтік орталық Алатау ауданында да жұмыс істейді. Мегаполис басшысы Ерболат Досаев бейінді басқармаларға бұл тәжірибені барлық аудандарға масштабтау үшін осындай орталықтардың үлгілік жобасын әзірлеуді тапсырды.

Оқи отырыңыз: Ерболат Досаев Есентай өзенінің жағасында каскадтар жүйесін салу жобасымен танысты

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир