Алматыда "Халық қатысатын бюджет" жобасы бойынша дауыс беру басталады

27 қазаннан бастап Алматыда "Халыққа қатысатын бюджет" (ХҚБ) жобасы аясында қала тұрғындарының ұсынысына дауыс беру кезеңі басталады, деп хабарлайды Almaty.tv.

Биыл алматылықтар 4 632 бастама ұсынды. Өтінім 1-30 қыркүйек аралығында қабылданды. Енді жобаның маңызды кезеңі басталады. Келесі жылы қандай бастамалардың жүзеге асырылатыны тұрғындардың дауыс берулеріне байланысты болады.

Дауыс беру биыл 27 қазан мен 9 қараша аралығында өтеді. Оған қаланың әрбір тұрғыны budget.open-almaty.kz  платформасы арқылы қатыса алады.

"Халық қатысатын бюджет-2025" жобасының негізгі кезеңдері:

• 1-12 қазан - аудан әкімдіктері жанындағы бастамаларды сараптамалық тексеру;
• 19 қазанға дейін - авторлардың  жобаларын пысықтауы;
• 20-26 қазан - жаңарған өтінімдерді қарау;
• 27 қазан - 9 қараша - тұрғындардың дауыс беруі;
• 10-16 қараша - қорытындылау;
• 17-18 қараша - бюджеттік өтінімдерді қалыптастыру;
• 2026 жыл - жеңімпаз жобаларды жүзеге асыру.

"Халық қатысатын бюджет" жобасы тұрғындарды қаланың даму үдерісіне тартуға бағытталған. Әрбір алматылық бастамасын  ұсынып, өзіне ұнайтын жобаны таңдап, орындалуын қадағалай алады.

Келесі өтінім 2026 жылы қабылданады. Толық ақпарат budget.open-almaty.kz. сайтында орналастырылған.

Оқи отырыңыз: Премьер-министр әлеуметтік сала қызметкерлеріне мемлекеттік наградаларды табыстады