|
12.05.2021 | 11:21
747

Ең жоғары баға өсімі қай облыста тіркелгені белгілі болды

Ең жоғарғы баға өсімі Атырау облысында, мұндағы өсім 6,8 пайызды құраған

Ең жоғары баға өсімі қай облыста тіркелгені белгілі болды Фото: ашық дереккөзден алынды

Ең жоғары баға өсімі қай облыста тіркелгені белгілі болды, деп хабарлайды Almaty.tv тілшісі Baq.kz-ке сілтеме жасап.

Бұл туралы Үкіметтің отырысында Сауда және интеграция министрі Бақыт Сұлтанов айтты.

Оның айтуынша, жыл басынан азық-түлік өнімдерінің бағасы 4,8%-ға өсті. Аталған көрсеткіш өткен жылдың қаңтар-сәуір айында тіркелген 5,5 пайыздық көрсеткіштен төмен. Дегенмен биыл сәуірде бағалар 1,7%-ға қымбаттады. Бұл қабылданып жатқан шараларға қарамастан бірнеше себепке тиесілі.

Ең жоғарғы баға өсімі Атырау облысында, мұндағы өсім 6,8 пайызды құраған. Нұр-Сұлтан қаласында 6,3 пайыз және 5,6 пайыздық өсім Шымкент қаласында тіркелген. Бағаның ең төменгі өсімі 4% - Алматы облысында, 4,3% - Қарағанды облысында және 4,4% - Қызылорда облысында тіркелген.

«Енді баға өсімінің факторларын айтатын болсақ, бәрінен бұрын импортқа тәуелді өнімдер, оның ішінде қант, қарақұмық жармасы, жоғары экспорттық сұранысқа ие тауарлар - күнбағыс майы, сондай-ақ маусымаралық кезеңде дәстүрлі түрде бағаның өсуі байқалатын көкөністер қымбаттады. Сақтау шығындарының артуы және қорлардың қысқаруы көкөністер импортының ұлғаюына әкелді. Бұл ретте бағаның өсуі бүкіл әлемн елдерінде де тіркелді», – деп атап өтті ол.

Оның айтуынша, Біріккен Ұлттар Ұйымының Азық-түлік және ауыл шаруашылығы ұйымының деректеріне сәйкес төрт айдың ішінде бағаның орташа өсімі 11,4%-ды құраған.

Көршілес Ресей Федерациясымен салыстырғанда, біздің елімізде азық-түлік тауарлары бағасының өсімі 2-3 есе төмен.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Janalyqtar tizbegi

Прямой эфир