2026 жылдың соңына дейін Қазақстанның барлық өңірлерінде цифрлық жұмыспен қамту қызметі іске қосылады

Премьер-министр Олжас Бектенов пилоттық режимде өзінің тиімділігін дәлелдеген цифрлық шешімдерді кеңейтуді тапсырды.  Осындай оңтайлы мысалдардың бірі –  азаматтарға жұмысқа тезірек орналасуға, оқу курстарын таңдауға және онлайн режимде қолдау алуға мүмкіндік беретін «Цифрлық жұмыспен қамту қызметі» жобасы болмақ, деп хабарлайды Аlmaty.tv.

«Сондай-ақ өз тиімділігін көрсеткен шешімдердің қолданылу аясын кеңейтіп, оларды тұрақты өнеркәсіптік пайдалану режиміне көшіру қажет. Осындай оңтайлы мысалдардың бірі – “Цифрлық жұмыспен қамту қызметі” жобасы. Ол азаматтарға жұмысқа тезірек орналасуға, оқу курстарын таңдауға және онлайн режимде қолдау алуға мүмкіндік береді»,— деп атап өтті Премьер-министр Олжас Бектенов.

Еңбек министрлігіне әкімдіктермен бірлесіп, аталған сервисті осы жылдың соңына дейін еліміздің барлық өңірінде іске қосу тапсырылды.