Абайдың өлеңдерінде, лирикасында кей ғалымдар шығыстық поэзия сарыны кездесетінін айтады. Расымен Абай шығыстың Низами, Науаи, Фзули, Сағди, Хафиз сияқты ұлы классиктерін оқып, соларға еліктеп өскені белгілі.
Жастайынан сол ғұламаларды тесіле оқып, іштей түлеп өседі. Бірақ сол сарынды ұлы ақын өзіндік төл дүниеге айналдырып әдемі мұра қалдырды. Абайдың шығармашылығы шама-шарқымыз жеткенше шет тілдеріне аударылып келеді. Алайда ғалымдар Абай туындылары жәй ғана аударыла салатын дүние емес, оны терең түсініп, елеп-екшеу керек екенін айтады. Осы тұста белгілі шығыстанушы Ислам Жеменей Абай шығармашылығындағы түркі-парсы ақындарын зерттеп, зерделеп көріпті. Сол еңбегі хақында ғалымның өзінен толығырақ сұрап білейік. Бүгін Almaty.tv эфиріне қонақ ретінде шақырдық.
