Вьетнамда коронавирустың жаңа толқыны басталды

Вьетнамда коронавирустың жаңа толқыны басталды, деп хабарлайды Almaty.tv тілшісі ҚазАқпаратқа сілтеме жасап.

Ондағы мәліметтерге қарағанда, бір күн бұрын елде COVID-19-дың жаңа тәуліктік ең жоғары көрсеткіші тіркелді – 10 654 жағдай. Алдыңғы рекордтық өсім 14 тамызда тіркелді – 9 716 адам. Инфекцияның жаңа фактілерінің ішінде 15 жағдай сырттан тасымалданған. Бүгінгі таңда вьетнамдықтардың жалпы саны 312 611-ге жетті, олардың 7150-і қайтыс болды. 

Сонымен қатар осы уақытқа дейін елдің 94,5 миллионнан астам тұрғынының тек 15,9 миллионы вирусқа қарсы вакцина алды.