Бір күнде 47 қазақстандық коронавирустан көз жұмды

ҚР Денсаулық сақтау министрлігі соңғы тәулікте коронавирустан көз жұмғандар статистикасын жариялады, деп хабарлайды Almaty.tv тілшісі ҚазАқпаратқа сілтеме жасап.

Оған сәйкес, 16 шілде күні Қазақстан аумағында 47 адам - коронавирустан, тағы 2 адам - пневмониядан қайтқан.

Коронавирустан ажал құшқандардың ішінде ең көбі Нұр-Сұлтан қаласында тіркеліп отыр - 11 науқас.

Қарағанды мен Батыс Қазақстан облыстарында - 7, Алматы, Шымкент қалалары мен Атырау облысында - 4, Павлодар және Ақмола облыстарында - 3, Маңғыстау облысында - 2, Алматы және Қостанай облыстарында - бір адамнан қайтыс болған.