Қазақстанда Кавасакиге ұқсас синдромнан екі бала көз жұмды. Екі және үш жастағы балаларда ілеспелі созылмалы аурулар болған. Педиатр дәрігер Кавасаки синдромына ұқсас көп жүйелі қабыну синдромының қаупі қандай және ол балаларда қалай болатынын айтып берді деп хабарлайды Almaty.tv тілшісі KAZ.NUR.KZ-ке сілтеме жасап.
Педиатрия және балалар хируриясы ғылыми орталығының басқарма төрағасы Риза Боранбаеваның айтуынша, бүгінгі күні Қазақстанда коронавируспен байланысты көп жүйелі қабыну синдромының 40-тан астам жағдайы тіркелді. Оның 37-і ауруханадан шыққан. Өкіншке қарай, екеуін құтқару мүмкін болмапты.
«Олардың проблемасы созылмалы аурулары болғандығында болды, соның аясында қарсы синдром ағымы нашарлады. Оларда басқа органдардың бұзылуы мен аурулары болды, сондықтан бұл балаларды құтқару мүмкін болмады», – деді Риза Боранбаева.
Педиатр дәрігер көп жүйелі қабыну синдромы Қазақстан үшін жаңа ауру екенін атап өтті. Оның айтуынша, балаларда бұл коронавируспен ауырғаннан кейін 2-6 апта ішінде пайда болады. Осы уақытқа дейін науқастардың қанында коронавирусқа антиденелер пайда болады, бірақ ПТР сынағы ауруды анықтамайды.
Дәрігердің айтуынша, көп жүйелі қабыну синдромының Кавасаки синдромынан айырмашылығы - біріншісі бес жасқа дейінгі балаларда кездеседі, ал екіншісімен 21 жасқа дейінгі жастар ауыруы мүмкін. Боранбаеваның сөзінше, бұл ауру бүкіл әлемде Кавасаки синдромы ретінде емделді, өйткені мультисистемалы синдромның клиникалық белгілері мен зертханалық нәтижелері Кавасаки ауруына ұқсас. Педиатр дәрігер көп жүйелі қабыну синдромын емдеудегі қиындықтар пациенттер созылмалы аурулармен ауыратын және кез-келген мүшелері зақымданған жағдайда пайда болатынын атап өтті. Бұл әсіресе, қант диабеті, қатерлі ісік аурулары немесе аутоиммундық аурулары бар, жүрек және бүйрек аурулары бар балаларға қиын. Еске сала кетсек, Ақтөбеде созылмалы аурулары бар балалардың жаппай тізіме алынып жатқанын хабарладық.
