Алматының бас санитария дәрігері Жандарбек Бекшин биыл қалада коронавирус жұқтыру тенденциясы туралы айтты, деп хабарлайды Almaty.tv.
«Ауру жұқтырып, ауырып жатқандардың арасында жастар көбейді. Былтыр 1980 жылы туғандардан басталса, биыл 1990 жылғы туғандардан басталып жатыр. Мектепке дейінгі жастағы ауру жұқтырған балалардың саны екі есеге артты. Ауру жұқтырған мектеп оқушыларының саны үш есе өсті. Бұл вирустың өте жұқпалы екенін көрсетеді. Осы себепті біз вирустың таралуын тоқтату үшін шұғыл шаралар қабылдаймыз және қатаң шектеу шараларын қолданамыз», – деді Бекшин брифингте.
Еске сала кетейік, 21 наурыздан бастап Алматыда қатаң карантин енгізіледі. Жаңа қаулының толық мәтінімен мына жерден таныса аласыздар.
