Қолды жиі жуып, антисептик қолдана беру тері иммунитетінің төмендеуіне әкеледі. Бұл туралы ресейлік дерматолог Лариса Алексеева Nation News басылымына берген сұхбатында айтты, деп хабарлайды Tengrinews.kz РИА Новости-ге сілтеме жасап.
Маманның айтуынша, қолды жиі жуа берген адамда түрлі дерматит пайда болуы мүмкін. Дәрігер белгілі бір ережелерді сақтағанда ғана теріні қорғауға болады дейді.
«Дерматит пен экземалар жиі пайда болатын адамдар қолғап киіп, арнайы кремдер жағып жүрсе, қауіп төнбейді. Тек ылғалдандыратын кремдерді ұмытпаған жөн», – деді Алексеева.
