Семіздіктің басты себебі неде

Эндокринолог дәрігер, нутрициолог, диетолог Алексей Калинчев семіздіктің кең таралу себебінің бірі психикалық ауытқулар санының өсуі екенін айтты, деп хабарлайды Almaty.tv тілшісі Tengrinews.kz-ке сілтеме жасап.

Калинчев әлемде семіздік саны психикалық ауытқуы бар адамдар санының артуымен қатар жүретінін ескертті.

"Компульсивті ас қабылдау тамақтанудың бұзылуына жатады. Бұл көбіне жүйкесі жұқарған адамдарда жиі кездеседі. Қазір адамдар күйзеліске жиі ұшырайды, ал ол артық тамақтануға алып келеді. Семіздік және артық салмақ психикалық ауытқуларға байланысты", - дейді дәрігер.

Нутрициологтың сөзінше, семіздікті бірнеше маман емдеуі керек.

"Мұндай ауытқуларды психиатр, психоневролог және психолог емдеуі керек. Психиатрлар дәрі-дәрмектермен тез, арзан және тиімді емдейді. Психологтар әртүрлі әдісті қолданып, ұзақ емдейді", - деді маман.