Ақтөбеде оқушылар пышақтасқан: бірі мүгедек болып қалуы мүмкін

Ақтөбеде бір топ мектеп оқушысы пышақтасып, нәтижесінде біреуі ауыр жарақат алған. Енді ол өмір бойына мүгедек болып қалуы мүмкін, деп хабарлайды Tengrinews.kz ақпараттық басылымы «Бірінші Еуразия» арнасына сілтеме жасап.

Телеарнаның мәліметінше, қаладағы төрт мектептің шамамен 40 оқушысы төбелескен. Полицейлер төбелестің себебін анықтап жатыр. Мектеп оқушылары зираттың маңында төбелес шығарған.

Сюжетте бірінші курс студентінің үйге қансырап барғаны айтылады. Үйдегілері болса, жедел жәрдем шақыруға да қорыққан.

«Ұлым мектепке барған, ол жақтан мұғалімдер такси шақыртқан. Жалпы ол үйде оқып жүретін. Содан оны шақыртып алды. Сол жақта барлығы оны пышақтаған», - дейді зардап шеккен оқушының әкесі Нұрлан Тенелов.