Мегаполисте жаңа автобустар пайдалануға берілді

Қоғамдық көлік жұмысының сапасын жақсарту және тұрғындарға ыңғайлы болу үшін 5 маршрутта (№38, 69, 47, 113, 125) 102 автобус жаңартылды. Бұл туралы аудан әкімі Ерболат Досаев аудан тұрғындарымен кездесуде мәлімдеді, деп хабарлайды Almaty.tv.

Сонымен қатар жыл соңына дейін 21 маршрут жаңартылып, күшейтіледі, автобустар саны 332-ден 411-ге дейін көбейтіледі.

«Сіздердің көптеген өтініштеріңіз бойынша биыл 3 бағдаршам құрылысы бойынша жұмыс басталды. Қазыбаев және Серіков көшелерінің қиылысында бағдаршам орнатылып, іске қосылды. Солтүстік айналым көшесіндегі 2 бағдаршамды қарашада қосу жоспарланып отыр», - деді әкім.

5 жерүсті және 10 жерасты жаяу жүргіншілер өткеліне биыл жөндеу жұмыстары басталды. Жұмыстар осы қыркүйектің соңына дейін аяқталады.