Елімізде бір аптада 3,2 мың қылмыс тіркелген

Ішкі істер министрінің кеңесшісі Нұрділдә Ораз өткен аптадағы криминогендік жағдай туралы ақпарат берді, деп хабарлайды Almaty.tv тілшісі ҚазАқпаратқа сілтеме жасап.

«Бір апта ішінде 3 267 қылмыс жасалды. Оның 2 201-і тәулік ішінде ашылды. Полиция қызметкерлері ізін суытпай 8 кісі өлтіру қылмысын, 4 арты өлімге әкеп соққан қасақана ауыр зиян келтіруді, 2 қарақшылық, 25 тонау және 504 бөтеннің мүлкін ұрлау қылмыстарын ашты»,  – деді ол Ішкі істер министрлігінің онлайн брифингінде.