|
10.07.2020 | 12:30
1788

М. Шахановтың көмекшісі Президенттен көмек сұрады

Бұл туралы жазушы өзінің Facebook-тегі парақшасында жазды

М. Шахановтың көмекшісі Президенттен көмек сұрады adilettv.kz

Мұхтар Шахановтың орынбасары, жазушы Құдияр Біләл ақынның ауырып жатқанын айтып, Президенттен көмек сұрады, деп хабарлайды Almaty.tv. Бұл туралы  жазушы өзінің Facebook-тегі парақшасында жазды.

«Әлеуметтік желі бетінде хабарланғанындай, қазақтың бір туар дара перзенті Мұхтар Шаханов Өзіңіз алаңдаушылық танытып отырған өкпе қабынуы ауруына шалдығып, Алматы қаласындағы «Қалқаман» ауруханасында ем қабылдап жатыр. Ауырғанына бір жұмадан асты. Емдеу шаралары әлі күнге дейін оң нәтиже бере қойған жоқ. Аурухана әкімшілігі М. Шахановты ауруға шалдыққан көп адамның бірі ретінде ғана қабылдауда. Ал М. Шаханов, Өзіңіз білетіндей, КСРО кезінен бастап тәуелсіздік алуымыз үшін қызмет еткен санаулы тұлғаның бірі. Рас, жоғары билік шешімдерінің бәріне бірдей бас шұлғи бермейді. Бірақ Сіздің ұлттық мәселелерге қатысты шешімдеріңізді жоғары бағалайды. Өзіңіз Президенттікке сайлауға түскен кезіңізде де Сізге ашық түрде қолдау білдіріп, ұлт зиялыларын Сіздің төңірегіңізде жиналуға шақырған болатын. М. Шаханов сол ниетінен бір сәтке де айныған жоқ.

 Құрметті Қасым-Жомарт Кемелұлы! Қазақ халқы ерекше құрметтейтін М.Шахановтың ауруханада бір аптадан бері елеусіз ем қабылап жатуы, көпшілікке әртүрлі ой салуда. Мұндай  халық алаңдаушылығын өз мүдделеріне пайдаланғысы келіп жүрген күштер де аз емес. Соған орай Сізден М. Шахановтың денсаулығына мемлекеттік тұрғыда назар аударуыңызды сұраймыз», – деп жазады  Құдияр Біләл.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир