2021 жылы iPhone 13 шығарылмайды

2021 жылы Apple өзінің смартфондарына классикалық атауларды қайтарады. Нарыққа  IPhone 13-тің орнына iPhone 12s моделі шығарылады, деп хабарлайды Almaty.tv тілшісі Tengrinews.kz сілтеме жасап.

Купертино жаңа модельді 2021 жылдың қыркүйегіне дайындап жатыр. Смартфонды iPhone 12-нің жаңартылған нұсқасы десе болады.

2021 жылғы iPhone 2020 моделінің дизайнын сақтайды. Желілік ақпарат берушілер смартфонның корпусы қалыңдайды деп санайды. Есесіне экраны үлкейіп, дисплей 120 герц жоғары жаңарту жиілігін алады.

Сондай-ақ, Bloomberg мәліметтері бойынша, Apple 2021 жылға арналған жаңа функцияны сынап жатыр. Бұл – экрандағы саусақ ізі сканері, яғни iPhone-ды ашудың жаңа тәсілі.