Қазақ мемлекеттік циркі Тұңғыш Президент күніне орай қайырымдылық шарасын ұйымдастырды

1 желтоқсан – Тұңғыш Президент күні. Мереке қарсаңында Қазақ мемлекеттік циркі қайырымдылық шарасын ұйымдастырып, аз қамтылған отбасылар мен мүмкіндігі шектеулі балаларды шақырған. Жеткіншектерге цирктің алаңына кіруге рұқсат етіліп, олар атқа мініп, көңілін көтерді.

«Аттың үстінде ойнатқан кезде балалардың көзінен от жанып, өмірге деген құштарлығы, өте бір... талпыныс пайда болады. Соны көріп ата-аналары дел-сал жатқан балаларының өмірге құштарлығын көріп, көзіне жас алып тұрады», – деді Қазақ мемлекеттік циркінің директоры Бақыт Бөкебаев.