Кинотеатрлар сәуір айында «Ashyq» пилоттық жобасына қосылады

Кинотеатрлар «Ashyq» жобасына сәуір айында қосылады, деп хабарлайды Almaty.tv тілшісі Vecher.kz-ге сілтеме жасап.

«Ashyq» жобасының келесі кезеңінде жобаға кинотеатрларды қосу жоспарланып жатыр. Бас санитар дәрігердің қаулысы шыққаннан кейін сәуір айының ортасында қосылады. Себебі кинотеатрлар карантин талаптарын сақтайтын, қадағалайтын нысандардың қатарында», – деді Алматы Кәсіпкерлер палатасының директоры Айтуар Қошмамбетов.

Алматыда жобаның келесі кезеңінде 15 бағыт бойынша жаңа нысандар қосылады деп жоспарланып отыр.

«Қоғамдық тамақтану орындары, балаларды дамыту орталықтары және бизнестің барлық спектрі жобаға қосылуы мүмкін», – деп атап өтті спикер.

Айта кетейік, «Ashyq» қосымшасын 125 мың адам жүктеп алған.