Байқоңыр ғарыш айлағынан «Союз-2.1А» зымыраны ұшты

Байқоңыр ғарыш айлағынан «Союз-2.1А» зымыраны ұшты. Ракета «Прогресс МС-17» көліктік жүк кемесімен халықаралық ғарыш станциясына бағыт алды, деп хабарлайды Almaty.tv.

Зымыран ғарыштағы экипажға 470 келі жанармай, 40 келі сығымдалған газ, 420 литр су, ғылыми құрал-жабдықдар, азық-түлік, киім-кешек, дәрі-дәрмек және жеке гигиеналық заттарды жеткізеді. Зымыран тасығыш Байқоңыр ғарыш айлағының 31-ші алаңындағы ұшыру кешенінен Нұр-Сұлтан уақытымен 5.27-де ұшқан. Ал, ресейлік сегменттің шағын зерттеу модуліне қондыру 2 шілдеге жоспарланып отыр.