WhatsApp-та жаңа функция пайда болады

WhatsApp мессенджерінде аудиохабарламалармен жұмыс істеуге арналған жаңа функция пайда болады. Бұл туралы Wabetainfo компаниясы жазды, деп хабарлайды Almaty.tv тілшісі Tengrinews.kz сайтына сілтеме жасап.

Біз аудиохабарламаларды бір жарым, екі есе жылдамдататын функция туралы айтып отырмыз. Бұған дейін бұл мүмкіндік тек дауыстық жазбалар үшін қолжетімді болды. Бірақ WhatsApp аудио хабарламаларын қайта жібергенде қолданылмайтын. Ал бұл жолы шығатын функция қайта жіберілетін барлық дауыстық хабарламаларды жылдамдатуға мүмкіндік береді.

Функция iOS үшін WhatsApp бета-нұсқасында сыналды, қазір әзірлену үстінде. Кейінірек ол Android құрылғыларында қол жетімді болады.