Қазақстандықтар мамырда үш мерекені атап өтеді. Соның арқасында бірнеше күн демалады, деп хабарлайды Almaty.tv.
«ҚР мерекелері туралы» заңның 3-бабына сәйкес, мамырда қазақстандықтар үш мерекені тойлайды:
1 мамыр – Қазақстан халқының бірлігі мерекесі;
7 мамыр – Отан қорғаушылар күні;
9 мамыр – Жеңіс күні.
2024 жылы демалыс күндерін ауыстыру жөніндегі ұсынысты ҚР еңбек кодексінің негізінде жасаған. Құжатқа сәйкес, жұмыс уақытын тиімді қолдану үшін мереке күндері мен демалыс күндері құзыретті орган демалыс күндерді өзге жұмыс күніне алмастыруға құқылы.
Осылайша, жұмыс күндері мен демалыс күндерінің кестесі келесідей болады:
- бес күндік жұмыс аптасында: 1 мамыр – демалыс, 2-3 мамыр – жұмыс, 4 және 5 мамыр – демалыс, 6 мамыр – жұмыс, 7 мамыр – демалыс, 8 мамыр – жұмыс, 9 мамыр – демалыс, 10 мамыр – жұмыс;
- алты күндік жұмыс аптасында: 1 мамыр – демалыс, 2, 3, 4 мамыр – жұмыс, 5 мамыр – демалыс, 6 мамыр – жұмыс, 7 мамыр – демалыс, 8 мамыр – жұмыс, 9 мамыр – демалыс, 10 және 11 мамыр – жұмыс, 12 мамыр – демалыс.
Оқи отырыңыз: Кәсіпкерлер «Алматы - біздің ортақ үйіміз» науқанын қолдауға шақырды
