Түркістан облысында 80 млн теңгені жымқырған бұрынғы зауыт директоры ұсталды

Түркістан облысында 80 миллион теңгені қолды қылды деген зауыттың бұрынғы директоры ұсталды, деп хабарлайды Almaty.tv тілшісі.

Тәртіп сақшыларының мәліметінше, күдікті өзі басқарған зауыттың техникаларын тамтығын қалдырмай талан-таражға салған. Қыруар қаржыны қалтасына басты деп айыпталған азамат аталмыш алып өндіріс орнының 6 техникасын сатып жіберген.

«Арыз тіркеліп, Қылмыстық кодекстің 189-бабына сәйкес сотқа дейінгі тергеу амалдары басталып кетті. Тергеу барысында Полиция қызметкерлерімен іздестіру жұмыстары ұйымдастырылып, соның нәтиежесінде күдікті Алматы қаласынан табылып, Кентау қаласына жеткізілді», – деді облыстық Полиция департаментінің ресми өкілі Салтанат Қаракөзова.