|
26.11.2020 | 12:27
4541

Алматыдағы мемлекеттік қызметкерлерге ротациялаудың жаңа қағидасы түсіндірілді

Ротацияның негізгі мақсаты қандай?

Алматыдағы мемлекеттік қызметкерлерге ротациялаудың жаңа қағидасы түсіндірілді ашық дереккөзден

Алматыдағы мемлекеттік қызметкерлерге ротациялаудың жаңа қағидасы түсіндірілді, деп хабарлайды Almaty.tv.

Мемлекет Басшысы осы жылдың 13 қарашасында мемлекеттік қызмет саласында қарастырылған кейбір актілерге өзгерістер енгізу туралы Жарлығына қол қойды.

ҚР Мемлекеттік қызмет істері агенттігінің Алматы қаласы бойынша Департаменті мемлекеттік қызметшілерді ротациялау және ауыстыру жөнінде енгізілген өзгерістерді түсіндіру бойынша онлайн вебинар өткізді.

Вебинардың спикері ретінде - ҚР Мемлекеттік қызмет істері агенттігінің Алматы қаласы бойынша департаментінің басшысы Дастан Секенов сөз сөйледі.

Вебинар өткізу барысында департамент басшысы саяси қызметшілерді ротациялау институтының енгізілгенін атап өтті (бұрын ротация тек әкімшілік қызметшілерге қолданған болатын).  

Сонымен қатар, «Б» корпусы қызметшілерін ротациялау туралы айтылып өтті. Яғни, әкімдіктің басқарма басшыларының аймақаралық ротациясы енгізілді (бұрын оларды ротациялау бір әкімдіктің ішінде болатын). Алайда аталған ротациялау Агенттіктің келісімімен жүзеге асырылады, яғни әкімдіктерде командалық ауысымдарға жол бермеу көзделген.

Осылардан бөлек, белгілі бір басшылық лауазымдарды, оның ішінде әр түрлі мемлекеттік органдарда жұмыс істеген «Б» корпусы қызметшілерін ерікті ротациялау енгізілді.

Сонымен бірге, «Б» корпусы қызметшілерін мемлекеттік органның ішінде ауыстыруға мүмкіндік берілді. Яғни, мемлекеттік қызметшілер мемлекеттік органның ішінде ауысу тәртібімен тең лауазымға ауысуға және сол мемлекеттік органда соңғы екі жылда төменгі лауазымда жұмыс өтілі бар болған жағдайда жоғарғы лауазымға ауысуына болады.

 Ротацияның негізгі мақсаты мемлекеттік органдардың тиімділігін арттыру, сыбайлас жемқорлық құқық бұзушылықтардың алдын-алу, сондай-ақ қызметшілердің кәсіби әлеуеті мен басқарушылық тәжірбиесін дамыту және тиімді пайдалану болып табылатынын – спикер сөз барысында атап өтті.  

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир