Алматыда қоғам қайраткерінің құрметіне мемориалдық тақта орнатылды

Алматыда көрнекті мемлекет және қоғам қайраткері, Қазақстанның еңбек сіңірген қызметкері Ізбасар Балтағұлұлы құрметіне мемориалдық тақта орнатылды, деп хабарлайды Almaty.tv тілшісі.

Іс-шараның салтанатты ашылуына өнер жанашырының жерлестері, тәлімін алған қоғам қайраткерлері мен туыстары қатысып, жарқын тұлғаның өткен жолын еске алды.

Айта кетейік, Ізбасар Балтағұлұлы ескерткіш тақта ілінген үйде 1971-2019 жылдардың аралығында тұрған.

«Ізбасар Балтағұлұлының бір ерекшелігі үнемі сөзінде тұратын. Әр айтқан сөзін істей алмаса да, кейін жасап беруге тырысты», – деді ҚР еңбек сіңірген қайраткері Мүсілім Дайырбекұлы.